भदौ १९ । अन्तर्राष्ट्रिय बजारमा आएको सुनको भाउमा उतार चढाव र डलर पनि बढीरहेकाले नेपाली बजारमा सुनको मुल्य स्थिर बन्न सकेको छैन ।
त्यस्तै आज नेपाली बजारमा सुनको मूल्य तोलाको एक हजार २ सय रुपैयाँले बढेर प्रतितोला ६१ हजार पाँच सय रुपैयामा कारोवार भइरहेको छ ।
केही दिन अघि मात्रै ऐतिहासिक महंगोमा कारोबार भएर सुनको मूल्य पुनः तल झरेकोमा अहिले भने क्रमशः उकालो चढ्न थालेको हो ।
करिब ६ महिना अगाडी ४८ हजारसम्म झरेको सुनको मूल्य केही दिन अगाडी मात्रै ६३ हजारको हाराहारीमा पुगेको थियो ।
यसैगरी, नेपाली बजारमा आज चाँदीको मुल्यमा पनि १५ रुपैयाँले बढेर प्रतितोला एक हजार ६० रुपैयाँमा कारोवार भईरहेको छ ।
Comments
