सरकार मातहत इपिएस प्रणालीमार्फत दक्षिण कोरिया काम गर्न जानेहरु हिजैदेखि रातभर लाइन बसेर समेत आवेदन फाराम बुझाएका छन् ।
आवेदनका लागि देशका विभिन्न पाँच स्थानबाट फाराम बुझाउन सकिनेछ । आवेदन फारम चार दिनसम्म बुझाउन सकिने छ ।
तर, आज पहिलो दिन भने झण्डै १८ हजारले फाराम बुझाएका हुन् । त्यसमध्ये सबैभन्दा काठमाडौंको बनस्थलीमा ४ हजार १ सय २५ जनाले आवेदन दिएका छन् ।
त्यस्तै, काठमाडौंकै गौचरनमा २ हजार ८ सय १९, कीर्तिपुरमा ४ हजार १ सय २५, बुटवलमा ३ हजार ८ सय ४४ र धरानबाट २ हजार ४ सय ७३ आवेदन परेको श्रम तथा रोजगार मन्त्रालयले जनाएको छ ।
श्रम तथा रोजगार मन्त्रालयले काठमाडौं उपत्यकाभित्र तीन क्षेत्र र उपत्यका बाहिर धरान तथा बुटवलमा गरी देशमा पाँच स्थानबाट फारम वितरण र दर्ता गर्न मिल्ने व्यवस्था मिलाएको छ ।
देशका पाँचै स्थानमा फाराम बुझाउनेहरुको भिडभाड ठूलो मात्रामा लागेको छ ।
यो पटक ७० हजारले आवेदन बुझाउन सक्ने अनुमान गरिएको छ ।
