भदौँ ५ । जगदम्बा सिमेन्ट, बुटवल मिलस प्रालिसहित १८ वटा सिमेन्ट उद्योगलाई सिमेन्ट उत्पादन गर्न प्रतिबन्ध लगाइएको छ ।
गुणस्तरहीन सिमेन्ट उत्पादन गरेको पुष्टिपछि ती कम्पनीहरुले उत्पादन गर्न नपाउने भएका छन् ।
जगदम्बाको पिएससी सिमेन्ट र बुटवलको ओपिसी सिमेन्टबाट उत्पादित सिमेन्टको बलियोपन नभएको तथा कमसल भएको पृष्टि भएपछि नेपाल गुणस्तर तथा नापतौल विभागले मंगलबारदेखि उत्पादन तथा विक्रीमा रोक लगाएको हो ।
यसैगरी, नेपाल गुणस्तर चिन्हबिना नै उत्पादन गरिरहेका १६ सिमेन्ट उद्योगको उत्पादन पनि निषेध गरिएको हो ।
यसरी गुणस्तरहिन सिमेन्ट उत्पादन गरेर कारबाहीमा पर्ने उद्योगहरुमा जगदम्बा, बुटवल, सिजी, मारूती, रोल्पा, अरनिको (एडभान्स), अरनिको आबुखैरेनी, घोराही सगरमाथा, इन्टरनेशनल, एमजेपी, कैलाश, स्टार, कृष्ण, केपी, श्री, ओम, इस्टर्न कसमस (तेज र पूर्वेली) छन् ।
Comments