भदौ ४ । आफ्नै बहिनीलाई श्रीमानले बलात्कार गरेपछि पीडा सहन नसकेर दिदीले नजिकैको खेतमा अवस्थित रुखमा झुण्डिएर आत्महत्या गरेकी छिन् ।

१३ वर्षकी बहिनीलाई बलात्कार गरेको थाहा पाएपछि कैलाली थापापुर गाविस वडा नम्बर-४ की १९ वर्षीया जुनी चौधरीले आत्महत्या गरेकी हुन् ।

दिदीको घरमा बास बस्न गएकी पीडित बालिकालाई २१ वर्षीया भिनाजु राजकपुर चौधरीले शुक्रबार राति जबरजस्ती बलात्कार गरेको शनिबार बिहान उनले श्रीमानसँग यसै विषयमा झगडा गरेकी थिइन् । त्यसको केही समयपछि उनले आत्महत्या गरेको आफन्तले जनाएका छन् ।

बलात्कृत भएकी बहिनीको स्वास्थ्य अवस्था निकै कमजोर बन्दै गएको र स्वास्थ्यउपचार समेत नगरिएको बताइएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।