साउन ३१ । भारतको ६७ औँ स्वतन्त्रता दिवसका अवसरमा भारत सरकारले नेपालका विभिन्न २० जिल्लालाई एम्बुलेन्स र नाफा कमाउने उद्देश्य नभएका परोपकारी संस्थालाई चारवटा बस उपहारस्वरुप प्रदान गरेको छ।

राजधानीस्थित भारतीय राजूतावासमा आज आयोजित एक कार्यक्रममा नेपालका लागि भारतीय राजदूत जयन्त प्रसादले सम्बन्धित जिल्ला विकास समिति र परोपकारी संस्थाका प्रतिनिधिलाई एम्बुलेन्स र बसको साँचो हस्तान्तरण गरेका हुन्।

 केही एम्बुलेन्स र एउटा बस वीरगन्जस्थित भारतीय महावाणिज्यदूतले वीरगन्जबाट नै हस्तान्तरण गर्ने उनले बताए।

 त्यसअघि स्वतन्त्रता दिवसको उपलक्ष्यमा राष्ट्रपति प्रणव मुखर्जीले देशवासीका नाममा जारी गरेको शुभकामना सन्देश राजदूत जयन्त प्रसादले पढेर सुनाएका थिए।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।