साउन १२ । भक्तपुर, सपाडोल– ९ स्थित हिमाल पोल्ट्री बिर्डिङ फार्ममा पालिएका कुखुरामा बर्डफ्लु भेटिएपछि आज बिहानदेखि कुखुरा मार्न सुरु गरिएको छ ।
प्रभात पसखलको फार्ममा पालिएका ९५०० कुखुरामा बर्डफ्लु लागेपछि ५५०० मरेर बाँकी भएका चार हजार ५०० नष्ट गर्न थालिएको पशुसेवा कार्यालय भक्तपुरले बताएको छ ।
कुखुरा नष्ट गर्न पशुसेवा निर्देशनालय त्रिपुरेश्वर र भक्तपुर पशुसेवा कार्यालय भक्तपुरका प्राविधिक टोली खटिएका छन् । मरेका र मारिएका कुखुरा गाड्न स्काइभेटरसमेत लगिएको छ ।