असार ३१ । तपाईलाई सुन्दा पनि अपत्यारिलो लाग्न सक्छ । जहाँ कि मृत्यु भईसकेको एक कर्मचारीको सरुवा भयो भन्दा । तर जाजरकोटमा कृषि विभागले १२ वर्षअघि मृत्यु भएका एक कर्मचारीको सरुवा गरेको छ ।
विभागले द्वन्द्वकालमा सेनाको गोली लागी मृत्यु भएका नायब प्राविधिक सहायक कृष्णमुरारी घिमिरेको कृषि विकास कार्यालय जाजरकोटमा सरुवा गरेको दुई महिना बितिसकेको छ ।
चितवन घर भएका घिमिरेको २०५७ मा बाँकेमा मृत्यु भइसकेको जानकारी हुदाहुदै पनि विभागले अर्घाखाचीबाट जाजरकोट सरुवा गरेको पत्र पठाएको वरिष्ठ कृषि विकास अधिकृत यामनारायण देवकोटाले बताए ।
जाजरकोटबाट केवीराम बेल्वासेको अर्घाखा“ची सरुवा भएपछि सो ठाउँमा मृतक कृष्णमुरारी घिमिरेको सरुवा भएको हो । सरुवा भएको दुई महिना बितिसक्दा पनि कर्मचारी कार्यालयमा नआएपछि खोजतलास गर्दा मृत्यु भएको तथ्य खुलेको हो ।
Comments
