असार २ । महोत्तरीमा नेपाली सेनाका दुई जवानमाथि गोली प्रहार भएको छ ।
सेनामा भर्ती भइ तालिम सकेर घर फर्केका दुई जनालाई महोत्तरीको मनरामा हतियारधारी एक समूहले गोली हानी हत्या प्रयास गरेका हुन् ।
आज बिहान भएको गोली प्रहारबाट विदामा घर आएका नेपाली सेनाका २३ वर्षीय विकास सिंह र २८ वर्षीय शैलेन्द्र मण्डल घाइते भएका हुन् ।
मण्डलको पेट तथा सिंहको तिघ्रामा गोली लागेको छ। उनीहरुको जिल्ला अस्पताल जलेश्वरमा उपचार भईरहेको छ । घाइते दुवैको अवस्था गम्भीर रहेको प्रहरीले जानकारी दिएको छ ।
मर्निङवाकबाट फर्केर चिया पिउन बसिरहेका उनीहरुमाथि एक्कासि आक्रमण भएको थियो।
भूमिगत जनतान्त्रिक तराई मुक्ति मोर्चाका अध्यक्ष राजन मुक्तिले सञ्चारकर्मीहरुलाई टेलिफोन गरी घटनाको जिम्मेवारी लिएको केही राष्टिय मिडियाका अनलाइन संस्करणहरुले खबर छापेका छन् ।