जेठ ३० । अज्ञात समूहको साङ्घातिक आक्रमणबाट जिल्लाका सुन्दरादेवीका एक शिक्षक गम्भीर घाइते भएका छन् ।
सुन्दरादेवी–८ स्थित पञ्चकन्या निमाविका शिक्षक विदुर भण्डारीमाथि बुधबार राति ८/९ जनाको समूहमा आएकाले साङ्घातिक आक्रमण गरेका हुन् ।
खुकुरी प्रहारबाट टाउकोमा चोट लागेको शिक्षक भण्डारीको अवस्था गम्भीर रहेको नेकपा (माले)का जिल्ला सचिव सोही गाविसवासी पल्लबराज पाठकले जानकारी दिए ।
भण्डारीलाई राति नै उपचारका लागि त्रिवि शिक्षण अस्पताल काठमाडौँ लगिएको छ । विद्यालय नजिक घर भएका शिक्षक भण्डारीमाथि कसले किन आक्रमण गरेको केही थाहा हुन नसकेको जिल्ला प्रहरी कार्यालयले जनाएको छ ।
Comments