जेठ २७ । नेपाली काँग्रेसका केन्द्रीय सदस्य डा. मीनेन्द्र रिजालले छिट्टै संविधानसभाको निर्वाचनको मिति घोषणा हुने बताएका छन् ।

नेपाल प्रेस युनियन शाखा सप्तरीले आज राजविराजमा आयोजना गरेको पत्रकारसम्मेलनमा उनले निर्वाचनसम्बन्धी अध्यादेशका लागि दलहरुबीच छलफल भइरहेकाले निर्वाचनको मिति तोक्नमा धेरै ढिलाइ नहुने बताए ।

उनले भने– निर्वाचनको मिति तोक्न ढिलाइ भए त्यसले जनतामा दुविधा र शङ्का उब्जाउँछ, त्यसैले दलहरुबीच सहमति गरी चाँडै समाधान निकाल्नुपर्छ ।

दलहरुबीच जति विवाद भएपनि अन्ततः देश चुनावमा जाने बताउँदै उनले नेपाली काँग्रेसको सम्पूर्ण प्रयास संविधानसभाको निर्वाचन गराउन केन्द्रित छ भने ।

पार्टीले निर्वाचनको वातावरण बनाउन दिएको जिम्मामुताविक आफू सप्तरी आएको बताउने प्रचार विभाग प्रमुखसमेत रहेका डा. रिजालले मधेसी जनताको आकाङ्क्षाअनुसार काँग्रेसले मधेस र मधेसीको गुनासो सम्बोधन गर्ने दाबी गरे ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।