बैशाख १७ । १० बजे निर्वाचन आयोगको कार्यालय खुल्नुअघि नै दल दर्ता गराउन पुगेका एमाओवादी र एमालेबीच कसले पहिले दल दर्ता गर्ने भन्ने विषयमा घम्साघम्सी परेको छ ।

दुवैले आफू पहिला पुगेकाले आफ्नो दलको नाममा पहिलो नम्बरमा दर्ता हुनुपर्ने उनीहरु दुवै दलको माग रहेको छ ।

पहिले पुग्नेको एक नम्बरमा नै दर्ता हुने भएकाले माओवादी र एमालेका नेताहरु बिहानै आयोगको कार्यालय पुगेका थिए । तर उनीहरुकै विवाद नमिलेपछि दल दर्ता गर्न पुगेका अन्य दलहरु भने रमिता हेर्न बाध्य भएका छन् ।

संविधानसभा चुनावका लागि निर्वाचन आयोगले मंगलबारदेखि दल दर्ता शुरु गरेको हो ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।