नेपाली नयाँ वर्ष २०७० मा भारतीय अभिनेत्री तथा मोडल राखी सावन्तले राजधानीको टुँडिखेलमा तहल्का पिट्ने भएकी छन् ।
बलिउड चलचित्र उद्योगमा आइटम गर्लका रूपमा आफ्नो छुट्टै पहिचान बनाएकीविपनाज मिडियाले आयोजना गर्न लागेको बलिउड म्युजिक एन्ड मस्ती नामक कार्यक्रममा सहभागिताका लागि नेपाल आउन लागेकी हुन् ।
नेपालमा उक्त प्रस्तुती गर्नका लागी राखिसहितको ३१ जनाको टोली शनिबार अपरान्ह राजधानी आइपुग्ने बताइको छ ।
दुई दिनसम्म काठमाडौमा रहने राखीले भिडियोमा म छिट्टै काठमाडौ आउँदैछु, मसँग नाच्नुस् र झुम्नुहोस् समेत भनेर विज्ञापन गर्न भ्याईसकेकी छन् ।
उनीसँगै कृष्ण अभिषेक, सुदेश लेहरी, भूमि त्रिवेदी र राजदीपलगायत कलाकारले आफ्नो कला प्रस्तुत गर्नेछन् । यस्तै उक्त कार्यक्रममा नेपाली कलाकारहरुले समेत आफ्ना प्रस्तुति पस्कने छन् । अभिनेत्री प्रियंका कार्की, दिया मास्के, नन्दिता केसी, यसराज र जीतु नेपाल कार्यक्रममा आफ्नो कला प्रस्तुत गर्ने बताइएको छ ।
Comments