काठमाडौं ३० भदौ । इलामको सन्दकपुर गाउँपालिकाको जमुनास्थित भगवती माध्यमिक विद्यालयमा विज्ञान विषयको पढाइ नै हुँदैन । कक्षा ९ र १० का विद्यार्थीले विज्ञान विषयको पुस्तक नखोलेको पाँच महिना भयो ।

विज्ञान पढाउने शिक्षक विद्यालयमा नहुँदा यहाँका विद्यार्थीलाई कसरी पढाउने भन्ने समस्या प्रधानाध्यापकलाई छ । कक्षा १० का विद्यार्थीले आगामी चैतमा माध्यमिक शिक्षा परीक्षा (एसईई) दिँदै छन् ।

विद्यालयमा कक्षा १० मा ३५ विद्यार्थी अध्ययनरत छन् । ‘बिएससी शिक्षक नहुँदा पढाइ ठप्प छ’, विद्यालयका प्रधानाध्यापक जनकलाल सापकोटाले भने ।

शिक्षक नियुक्ति गर्न निर्वाचन आचारसंहिताले नदिएका कारण कक्षा ९ र र१० का विद्यार्थीलाई अत्यन्तै गाह्रो भएको उनी बताउँछन् ।

‘गणित विषय पनि बीएड गरेका शिक्षकलाई पढाउन लगाएका छौं, मावि तहका विषय शिक्षक छैनन’, प्रधानाध्यापक सापकोटा भन्छन् । आजको राजधानी दैनिकमा खबर छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।