माघ १० – भारतले बन्द गरेको विद्युत पुनः आपुर्ति गर्ने भएपछि लोडसेडिङको समय पनि घट्ने भएको छ ।
नेपाल विद्युत् प्राधिकरणले अनौपचारिकरूपमा विद्युतभार कटौती गरी केही समय घटाइएको जनाएको हो । तर, घटाएको समय तालिका भने सार्वजनिक गरेको छैन ।
यसअघि प्राधिकरणले यही माघ ६ गतेदेखि लागू हुनेगरी विद्युत्भार कटौती थप गरी हप्तामा ९७ घन्टा पु¥याएको थियो ।
भारतबाट आपूर्ति हुँदै आएको २५ मेगावाट विद्युत् पुन.आपूर्ति हुन् थालेपछि विद्युत्भार कटौतीको समय तालिका ननिकालीकनै हाललाई परीक्षणका रूपमा विद्युत्भार कटौतीको केही समय घटाइएको प्राधिकरणले बताएको छ ।
भारतबाट कटौती गरिएको र हाल आपूर्ति हुँदै आएको विद्युत्को स्थितिलाई हेरेर विद्युत्भार कटौतीको समय तालिका परिवर्तन गर्न सकिने प्राधिकरणको भनाई छ ।
प्राधिकरणले केही दिनसम्म भारतबाट भइरहेको विद्युत् आपूर्ति कस्तो अवस्थामा हुन्छ त्यसको अध्ययन गरेर तालिका निकाल्ने बताएको छ ।