पुस २६ – नवसंशोधनवाद र प्रतिक्रियावाद विरुद्ध संघर्ष गरौँ , जनगणतन्त्र स्थापनाको दिशामा अघि बढौँ भन्ने मूल नाराका साथ हिजोदेखि सुरु भएको नेकपा माओवादीको ७ औँ महाधिवेशन अन्तर्गत केही समयपछि बन्द सत्र सुरु हुँदैछ ।

बन्द सत्रको सुरु अघि अहिले महाधिवेशनस्थल प्रज्ञा भवनमा अहिले प्रतिनिधि तथा पर्यवेक्षकहले खाना खान सुरु गरेका छन् । खाना खाने कार्यक्रम सम्पन्न भएसँगै बन्द सत्र सुरु हुने आयोजकले जनाएको छ ।

महाधिवेशन अन्तर्गत आज समूह विभाजन गरी प्रस्तुत विधान प्रतिवेदनका विषयमा आज ग्रूपमा छलफल हुने माओवादी प्रवक्ता पम्फा भुसालले जानकारी दिईन् । २० समुहमा छलफल हुने उनको भनाई छ ।

महाधिवेशनमा १२ सय प्रतिनिधि, ४ सय पर्यवेक्षक, १ सय कलाकार र ३ सय स्वय सेवक सहभागी छन् ।

नेकपा माओवादीको राजनीतिक दस्तावेजहरु (मस्यौदा प्रस्ताव) यसअघि नै प्रस्तुत गरिएको थियो ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।