पुस २४ – कञ्चन डेभलप्मेन्ट बैङ्क अत्तरिया शाखाका प्रबन्धक गजेन्द्र रावलले बिष सेवन गरी आत्महत्या गरेका छन् ।
आज बिहान करिब नौ बजेतिर आफ्नै कोठामा सल्फास नामक बिषादी सेवन गरेको अवस्थामा रावललाई उनका सहकर्मीले पद्मा अस्पतालमा पुर्याएका थिए ।
अस्पतालमा डक्टर संग आफुले सल्पास नामक बिसादीको तिन वटा चक्की खाएको समेत स्वीकार गरेका रावलको उपचारका क्रममा ज्यान गएको हो ।
बैङ्ककै माथिल्लो तल्लामा क्वाटरमा बस्दै आएका रावलले आज बिहान बजार निस्की साथिभाई संग चिया खाएको भएपनि अध्यापनका लागि नियमित जाने गेटा ३ स्थित बसन्तपुरमा रहेको होलिल्याण्ड उच्च माध्यमिक बिद्यालयमा भने नगएको बुझिएको छ ।
उमावीका प्लस टु संयोजक समेत रहनुभएका रावलले १ महिना अघि कंचन बैकबाट राजीनामा दिएपनि हिजो सोमबार मात्रै उनको राजीनामा स्वीकृत भएको समेत बुझिएको छ ।
उनले किन विष सेवन गरी आत्महत्या गरे भन्ने कुराको एकनि पुष्टि भने हुन सकेको छैन । यद्यपी बिभिन्न कुराहरु बाहिर आएकाले घटनाको अनुसन्धान भइरहेको प्रहरीले जनाएको छ ।
कञ्चनपुरको महेन्द्रनगर स्थायी घर भएका रावलको शव पोष्टमार्टमका लागि उनका आफन्तले महेन्द्रनगर स्थित महकाली अञ्चल अस्पताल लगेका छन् ।
