बलिउड सुपरस्टार शाहरुख खानले बलात्कारको सिकारका कारण मृत्यु भएकी २३ वर्षीय छात्रा प्रति गहिरो दुख व्यक्त गरेका छन् ।

शाहरुखले आफू एक पुरुष भएको कारण अत्यधिक दुख लागेको बताउँदै यस्तो समाज र सँस्कृतिको एक हिस्सा भएको कारण पनि आफू धेरै दुखित भएको बताएका हुन् ।

महिलाहरुलाई आफूले सम्मान गर्ने बताउँदै शाहरुखले दामिनीको लागि लडाई जारी राख्ने प्रतिबद्धता गरेका हुन् ।

१२ वर्षीय छोरी सुहानाको लागि पनि सम्मान हासिल गर्नलाई सम्पूर्ण महिलाहरुलाई आफूले सम्मान गर्ने शाहरुखले बताएका हुन् ।

गत डिसेम्बर १६ तारिखको रातमा दक्षिण दिल्लीमा सामूहिक बलात्कारको सिकार बनेकी उक्त छात्राले आफ्नो बात हिम्मतका साथ बाहिर ल्याएको तर आफुहरुले उनलाई बचाउन नसकेकोमा शाहरुखले दुख व्यक्त गरेका हुन् ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।