विजय थापा – डिसेम्बर २८ का दिन एन आर एन, एन सी सी, (गैर आवासीय संघ, राष्टिय समन्वय समिति) अमेरिकाका नव निर्वाचित अध्यक्ष प्रल्हाद केसीले एक प्रेस बिज्ञप्ति जारी गर्दै नेपालमा जल बिद्युतमा सामुहिक लगानीमा प्रारम्भिक चरणमा करिब २ करोड भन्दा बेसीको लगानी गर्ने घोषणा गरेको छ ।
‘भनिछ जहाँ ईक्षा त्यहाँ उपाय’ आफ्नो मातृभूमिमा लगानी गर्न पाउनु सौभाग्य ठान्दै र सम्भवत, एन आर एन, एन सी सी (गैर आवासीय संघ, राष्टिय समन्वयब समिति मध्ये) अमेरिकाले हाल सम्म कै ठुलो रकम जल बिद्युतमा लगानी गर्न कम्मर कसी सकेको छ ।
भर्खरै निर्वाचित हुनु भएका एन आर एन, अमेरिकाका अध्यक्ष प्रल्हाद केसीले आफ्नो समिति पूर्ण समाबेसी भएकोमा आफु सन्तोष व्यक्त गर्नु हुदै आफु कुर्सीमा बस्ना साथ आफुले एन आर एनको जल बिद्युतको सामुहिक लगानी गर्ने गुरु योजनालाई पूर्ण सफल बनाउन अमेरिकाको ३५ वटा भन्दा राज्यहरुमा घर दैलो अभियान गरि बिभिन्न संघ, संस्था, उद्यमी, ब्यापारी तथा अन्य व्यक्तिसंग भेटघाट गर्दै उत्प्रेरणा गरि यति ठुलो रकम लगानी गर्न सकेकोमा सबैलाई कृतज्ञता ज्ञापान गर्नु भएको छ ।
अध्यक्ष केसीले आफुले नेपाल आमा र नेपाली जनताको लागि सामाजिक र आर्थिक रुपान्तरणमा बिशेष जोड दिने पुन दोहोर्याएका छन् । नेपालमा लगानी गर्न एन आर एन अमेरिकाले सामुहिक लगानी समिति अन्जन श्रेष्ठको सँयोजकत्व तथा शम्भु ढुंगानाको सह-सँयोजक्तत्वमा एक पांच सदस्यीय समिति गठन गरेको उक्त बिज्ञप्तिमा जनाईएको छ र सदस्यहरुमा पुनम रिजाल, सोनाम लामा, रमाकान्त खरेल, बृहस्पति लामा तथा तेन्जिंग उक्याब रहेका छन ।
ठुलो रकमलाई लामो समय सम्म नेपालमा भित्राउनको निम्ति सामुहिक लगानी समिति बीच व्यापक बिचार बिमर्श, छलफल, कानुनी परामर्श, सम्पूर्ण जानकारी र सूचना प्राप्त अनुसार अमेरिकामा नेपाल लगानी कम्पनि स्थापना गरिएको उक्त छापा बिज्ञप्तिमा जनाईएको छ । छोटो समयमा लगानी कर्ताहरुले देखाएको अभिरुचि र लगानीबाट नेपाल लगानी कम्पनि(प्रतिस्ठान)बाट प्रारम्भिक चरणको लागि करिब दुई करोड २० लाख जति निकास गर्ने निर्यय गरेको उल्लेख गरेको छ भने करिब २५ प्रतिशत रकम नेपाल लगानी कम्पनि नेपालमा हस्तान्तरण गरि सकेको उल्लेख गरिएको छ ।
अन्य देशका एन आर एन मित्रहरुले अमेरिका सम्पर्क गरेको र आफुले अमेरिकामा गरेको योजना अनुसार अन्य देशका एन आर एन साथीहरुलाई कम्पनि (प्रतिस्ठान )खोल्न सुझाब र सल्लाह दिएको जानकारी समेत उक्त बिज्ञप्तिमा जनाईएको छ । नेपालमा लगानी गर्न व्यक्तिगत रुपमा धेरैले चाख देखाएको सम्पर्कमा रहेको र अधिकांसले लगानी गरि सकेको जानकारी बिज्ञप्तिमा केसीले दिएका छन् । लगानी गर्न सबै नेपाली समुदायलाई आग्रह गर्दै सबैलाई ढोका खुल्ला रहेको जनाईएको छ ।