बस र मोटरसाइकल ठोक्किँदा दुईको मृत्यु

पुस १० – तनहुँमा बस र मोटरसाइकल ठक्कर खाँदा दुई जनाको ज्यान गएको छ ।

दमौलीबाट पोखरा जाँदै गरेको ग१ख ४०९३ नम्बरको बस र ग७प ६१ नम्बरको मोटरसाइकल मनपाङ–२ मा सोमबार साँझ एक आपसमा ठक्कर खाँदा मोटरसाइकलमा सवार दुवै जनाको मृत्यु भएको हो ।

मृत्यु हुनेमा गोरखा छोप्राक–८ का मोटरसाइकल चालक ३४ वर्षीय पूर्णबहादुर क्षेत्री र मोटरसाइकल पछाडि बस्ने तनहुँ कोटा–३ का २९ वर्षीय ज्ञानबहादुर मगर रहेका जिल्ला प्रहरी कार्यालय तनहुँले जनाएको छ ।

बसको ठक्करबाट गम्भीर घाइते भएका ती दुवैको पश्चिमाञ्चल क्षेत्रीय अस्पताल पोखरामा उपचारका क्रममा मृत्यु भएको हो ।

बस चालकलाई नियन्त्रणमा लिई अनुसन्धान थालिएको प्रहरीले जनाएको छ ।