बेलायती राजकुमार विलियमका गर्भवती पत्नी राजकुमारी क्याथरिनलाई टेलिफोन गर्ने अस्ट्रेलियाका दुई रेडियो प्रस्तोतालाई उनीहरूले गरेको फोन उठाउने रिसेप्सनिष्टले आत्महत्या गरेको देखिएपछि कामबाट हटाइएको छ ।

राजकुमारी क्याथरिन

नर्स ज्यासिन्था साल्डानाले फोन उठाउँदा सिड्नीको टुडे एफएमका दुई प्रस्तोताले आफूलाई बेलायती महारानी एलिजावेथ द्वितीया तथा विलियम्सका पिता राजकाुमार चाल्र्सको रूपमा प्रस्तुत गरेका थिए । यी नर्सले आफ्ना साथीलाई फोन दिएकी थिइन र उनले क्याथरिनको स्वास्थ्यका बारेमा जानकारी दिएकी थिइन् ।

साल्डानालाई शुक्रबार मृत अवस्थामा फेला पारिएको थियो । लन्डनको निजी किङ एडवर्ड सातौँ अस्पतालका प्रमुखले यस विषयमा टिप्पणी गर्न अस्वीकार गरेका छन् ।

रेडियो केन्द्रले प्रस्तोता मेल ग्रेइग तथा माइकल क्रिस्चियनले उक्त घटनाबाट आफू स्तब्ध भएको बताएको उल्लेख गरेको छ । टुडे एफएम तथा त्यसका मालिकले यी प्रस्तोता अर्को सूचना नभएसम्म काममा नफर्कने उल्लेख गरेका छन् ।

नर्सको मृत्युभएको समाचार बाहिर आउनासाथ उक्त रेडियो स्टेसनका फेसबुक पानामा हजारौँ टिप्पणी आएका थिए र धेरैले यी दुई प्रस्तोतालाई बर्खास्त गर्न माग गरेका थिए ।

रानीको स्वर नक्कल गरी लिइएको समाचार अस्ट्रेलियामा व्यापक रूपमा प्रसारण भएको थियो र त्यसमा विभाजित भनाइ आएका थिए । कसैले यसलाई क्षतिविहीन हाँसोको रूपमा लिएका थिए भने कसैले सबैसँग गोपनीयताको अधिकार हुने बताएका थिए ।

अस्ट्रेलियाली प्रधानमन्त्री जुलिया गिलार्डले नर्सको मृत्यु डरलाग्दो दुर्घटना भएको बताएका छन् । । अस्ट्रेलियाली सञ्चारमन्त्री स्टेफेन कोनरोयले अस्ट्रेलियाली सञ्चार तथा आमसञ्चार प्राधिकरणले यस विषयमा गुनासो प्राप्त गरेको र उनीहरूले कुनै आचार संहिता उल्लङ्घन गरेका छन् कि छैनन भनी अनुसन्धान गरिने जानकारी दिए । – एजेन्सी

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।