कारले मोटरसाइकललाई ठक्कर दिँदा २ को मृत्यु, २ जना घाइते

असोज २७ – भक्तपुरमा आज एउटा कारले मोटरसाइकललाई ठक्कर दिँदा दुई जनाको निधन भएको छ ।

काठमाडौँबाट भक्तपुरतर्फ गईरहेको बा८च ७८३२ नम्बरको कारले बा३५प ५२३८ नम्बरको मोटरसाइकललाई ठक्कर दिँदा मोटरसाइकलमा सवार लाजिम्पाटका बाङदेल लामा र फुर्वा टेण्डीको निधन भएको हो ।

त्यसैगरी, भक्तपुरकै मध्यपुर ठिमी नगरपालिकामा भएको अर्को सवारी दुर्घटनामा पनि मोटरसाइकलमा रहेका दुई जना घाइते भएका छन् ।

घाइते हुनेहरुमा काठमाडौँ साङ्ले गाविस १ झोरका सुदर्शन सापकोटा र लाजिम्पाटकै उसान लामा रहेको बताइएको छ ।
उनीहरुको अहिले भक्तपुर अस्पतालमा उपचार भईरहेको छ ।