अज्ञात समुहद्वारा क्याम्पस पुस्तकालयमा आगजनी

असोज २६ – अज्ञात समुहले राजविराजस्थित मोडल क्याम्पसको पुस्तकालयमा गएराति आगजनी गरेको छ ।

राजविराज–४ स्थित सो क्याम्पसको पुस्तकालयमा राति ८ः१५ बजे अज्ञात समूहले आगजनी गरेको बताइएको छ ।

क्याम्पस सुरक्षार्थ बस्ने गरेका चौकीदार खाना खान गएको समयमा तीन जनाको संख्यामा आएका युवाले पेट्रोल छर्केर आगो लगाएको चौकीदार सदानन्द यादवको भनाई छ ।

खुकुरी छापको खाने तेलको बोतलमा पेट्रोल बोकेर आएका तीन युवाले क्याम्पस पुस्तकालयको सिसा फुटाली पेट्रोल छर्केर आगो लगाएको प्रहरीले जनाएको छ ।

आगाले पुस्तकालयमा रहेको कम्प्युटर प्रिन्टर, मोनिटर, सिपियु र रजिस्ट्रेसन फर्म एक एक थान, ¥याक र सोमा रहेका केही गेसपेपर जलेर क्षतिग्रस्त भएको छ ।