असोज ९ – सिन्धुपाल्चोकको हगाम गाविसमा दुई सातादेखि फैलिएको भाइरल ज्वरोबाट दुई जनाको मृत्यु भएको छ भने करिब एकसय जना बिरामी परेका छन् ।

मृत्यु हुनेमा वडा नं १ निवासी ६५ वर्षीया सुनमाया तामाङ र वडा नं ३ निवासी ६५ वर्षीय धनबहादुर श्रेष्ठ रहेको स्थानीय चेतकुमार तामाङले जानकारी दिए ।

तामाङ समुदायको बाहुल्यताका साथै घनाबस्ती रहेको सो गाविसको वडा नं १, २, ३, ४ र ९ मा करिब एकसय जना बिरामी परेका छन् ।

तामाङका अनुसार तीन जनाको मध्यपुर थिमिस्थित नेपाल कोरियाली मैत्री अस्पतालमा उपचार भइरहेको र अन्यको स्थानीय जलविरेस्थित प्राथमिक स्वास्थ्य केन्द्रका साथै गाउँकै उपस्वास्थ्य चौकीमा उपचार भइरहेको छ । रासस. फोटो : गुगल

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।