बलिउड स्टार सलमान खानले पछिल्लो पटक फेसबुकसँग साइनो गाँसेका छन् । सलमानले सामाजिक सञ्जाल फेसबुकमा भर्खरै मात्रै आफ्नै नामबाट आधिकारिक फेसबुक खोलेका हुन् ।
आफ्नो एकाउन्ट लगअन पछि आफ्नो पेजमा पोस्ट गरेको एक भिडियो सन्देशमा सलमानले धेरैले फेसबुकमा किन छैन भनेर प्रश्न गर्ने गरेको उल्लेख गरेका छन् ।
त्यसो त बलिउड हस्ती सलमानको एकाउन्ट खोलेको केही समयमै २६ लाखले लाइक गर्न भ्याईसकेका छन् ।
सलमानले आफ्नो नाममा सक्कली एकाउन्ट भएपछि झुटो एकाउन्टले भ्रमको स्थिति पैदा नगर्ने विश्वास समेत व्यक्त गरे ।
यसअघि, उनको नामबाट थुप्रै फेसबुक पेज खोलिएका छन् भने ती पेजहरुमा समेत लाखौँले लाइक गर्ने गरेका छन् ।
Comments