भदौ २५ (रासस) – श्रीलङ्कामा जारी दोस्रो साफ महिला फुटबल प्रतियोगिताअन्तर्गत आज भएको खेलमा नेपालले माल्दिभ्सलाई पराजित गर्दै सेमिफाइनलमा प्रवेश गरेको छ ।
श्रीलङ्काको कोलम्बोमा भएको सो प्रतियोगितामा नेपालले माल्दिभ्सलाई ५–० गोलअन्तरले हराउँदै सेमिफाइनलमा प्रवेश गरेकोे हो ।
नेपालका लागि जमुना गुरुङले ह्याट्रिक गरिन् भने दीपा अधिकारी र अनु लामाले एक–एक गोल गरे ।
दीपाले खेल सुरुवातको १९ आँै मिनेटमा एक गोल गर्दै अग्रता दिलाइन् भने अनुले खेलको ३५ औँ मिनेटमा थप एक गोल गरिन् ।
यस्तै जमुनाले खेलको ५९ र ८८ र खेलको इन्जुरी समय ९१ औँ मिनेटमा थप एक गोल गर्दै ह्याट्रिक गर्न सफल भइन् । यो जमुनाको लगातार दोस्रो ह्याट्रिक हो । नेपालको यो लगातार दोस्रो जित हो ।
यसअघि नेपालले पाकिस्तानलाई ८–० गोलअन्तरले पराजित गरेको थियो ।
Comments