साठी वर्षीय वृद्धको घाटी रेटेर हत्या

साउन ३१ – रुपन्देहीमा आज एक वृद्धको घाटी रेटेर हत्या गरिएको छ । रुपन्देहीको सिद्धार्थनगर नगरपालिका–१० दोगारी गाउँमा एक वृद्धको घाँटी रेटी हत्या गरिएको हो ।
हत्या गरी गाउँको चौरमा फालिएका ६० वर्षीय रामलाल मुराउको शव बिहान मात्र गाउँले फेला पारेपछि प्रहरीलाई जानकारी गराएका थिए ।

गाउँलेको खबरपछि पुगेको प्रहरीले परीक्षणका लागि शव जिल्ला भीम अस्पताल रुपन्देहीमा पठाएको छ ।

हत्या कसले र किन गरेको भन्ने विषयमा अनुसन्धान भइरहेको प्रहरीले जनाएको छ । अहिलेसम्म हत्या संलग्न कोही पनि पक्राउ परेका छैनन् ।