बसमा बाइक ठोक्किदाँ दुई जनाको ज्यान गयो

असार १८ – सोमबार अपराह्नपछि दमौलीमा एक बसमा मोटरसाइकल ठोक्किदाँ दुई जनाले ज्यान गुमाएका छन् ।

डुम्रेबाट आँबुखैरेनी जाँदै गरेको ग १ ख २१६१ नम्बरको बस र विपरीत दिशाबाट आउँदै गरेको बा३४प ५१७७ नम्बरको मोटरसाइकल अपराह्न बन्दीपुर–८ चम्पाफाँटमा एक्कासी ठोक्किँदा मोटरसाइकलमा सवार दुवै जनाको मृत्यु भएको हो ।
मृत्यु हुनेमा गोरखा गाइखुर–९ का मोटरसाइकल चालक २९ वर्षीय सुवर्णजङ्ग शाही र उनको पछाडि बसेका गोरखा घेलुङटारका ५० वर्षीय कमल ढकाल रहेको इलाका प्रहरी कार्यालय आँबुखैरेनीले जनाएको छ ।
गम्भीर घाइते भएका ढकालको डुम्रेस्थित लक्ष्मी अस्पतालमा उपचार हुँदाहुँदै र शाहीको उपचारका लागि न्युरो अस्पताल काठमाडौँ लैजाँदै गर्दा बाटोमै मृत्यु भएको हो ।

Comments