भक्तपुर १८ साउन

सहरी विकास मन्त्री प्रभु साहले सहरी विकास तथा भवन निर्माण विभाग अन्तर्गतका आयोजना तथा डिभिजन प्रमुखहरुलाई प्रतिफल प्राप्त हुने गरी कार्य गर्न निर्देशन दिएका छन् ।
भक्तपुरको नगरकोटमा बुधबार सुरु भएको आ.व. २०७३/७४ वार्षिक प्रगति समीक्षा तथा आ.व. २०७४/७५ को कार्यक्रम कार्यान्वयन सम्बन्धी गोष्ठिीमा बोल्नुहुँदै मन्त्री साहले यस्तो निर्देशन दिएका हुन् । उनले यस्ता विचार गोष्ठि भेटघाटका लागि मात्र हुन नहुने भन्दै यसले विकासका कार्यमा भइरहेका ढिलासुस्ती रोक्न सफल हुनुपर्ने विश्वास समेत व्यक्त गरे । यस किसिमका विचारगोष्ठि भेटघाट र झारा टार्ने खालको हुने गरेको उल्लेख गर्दै मन्त्री साहले ती बिचार गोष्ठिहरुले जनताको पक्षमा काम गर्न नसक्ने बताए । त्यसैले यो विचार गोष्ठिलाई जनताको पक्षमा हुने गरी छलफल चलाएर एउटा निस्कर्ष निकाल्न र त्यसलाई व्यवहारमा रुपन्तरण गर्न निर्देशन दिए ।
मन्त्री शाहले बदलिँदो परिस्थितिमा चुनौतिहरु रहेको उल्लेख गर्दै सोच र कार्यशैली परिवर्तन गरेमा सफल हुन सकिने बताए । लक्ष्य अनुसारको प्रगति हुन नसकेको उल्लेख गर्दै मन्त्री साहले यस विषयमा समीक्षा आवश्यक रहेको औल्याए । तोकिएकै समयमा कार्यहरु सम्पन्न हुन नसकेको कारण खोज्न आवश्यक भएको उनको जोड थियो । ‘समयमै ठेक्का सम्पन्न नहुनुमा ठेकेदार दोसी छ नै संगै ठेकेदारलाई नियमन गर्ने को हो ? उसको दोस हुने कि नहुने ?’ मन्त्री साहले भने, ‘अब सोलोढोलो र घुमाउरो कुरा गरेर हुदैन ।’
सहरी विकास मन्त्रालयको कार्य प्रकृति बढी समन्वयात्मक हुने भएकाले प्रभावकारी रुपमा समन्वय भए सफलता मिल्ने उनको भनाई रहेको थियो । 

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।