सन् २०२१ मा सारा विश्व कोभिडसँग लडिरहँदा बलिउडका केही सेलिब्रेटीहरूले जीवन साथीसँगको विषयमा हृदयसँग नै लड्नुपर्ने अवस्था समेत सिर्जना भयो । गएको वर्ष हामीले केही चकित पार्ने ब्रेकअप र सम्बन्धविच्छेदहरू देख्यौं। सामन्था रुथ प्रभु र नागा चैतन्यको अलग हुने निर्णयले लाखौं फ्यानहरूलाई सन् २०२१ मा दुःखी बनायो । यस्तै, आमिर खान र किरण रावले सम्बन्धविच्छेदको घोषणा गरेर झनै धेरै फ्यानलाई स्तब्ध बनाए । हामीले यहाँ सन् २०२१ मा भएका यस्तै केही सेलिब्रेटीको ब्रेकअप तथा सम्बन्ध बिच्छेदका घटनाहरुको चर्चा गरेका छौं
सामन्था र चैतन्य
यो जोडीले फ्यानहरूलाई परी कथा प्रेम कथाहरूमा विश्वास गराए तर यहीँ जोडीले आफ्नो सम्बन्धलाई विभाजन गराएर सन् २०२१ मा आफ्ना समर्थक तथा शुभचिन्तकहरुलाई आश्चर्यमा पारे । हप्ताको अड्कलबाजी पछि, सामन्था र नागा चैतन्यले अक्टोबर २ मा आफूहरु अलग्गिएको घोषणा गरे। उनीहरुले सामाजिक सञ्जालमा राखेको वक्तव्यमा लेखिएको थियो, ‘हाम्रा सबै शुभचिन्तकहरू, धेरै विचार-विमर्श पछि हामीले पति र पत्नीको रूपमा आफ्नो बाटो पछ्याउनको लागि बाटो अलग गर्ने निर्णय गरेका छौं। हामीले एक दशक भन्दा बढीको मित्रता पाउँदा भाग्यशाली ठानेका छौं जुन हाम्रो सम्बन्धको मुख्य आधार थियो जुन हामी बिच सधैं विशेष बन्धन कायम रहनेछ भन्ने विश्वास छ। हामी हाम्रा प्रशंसकहरू, शुभचिन्तकहरू र मिडियालाई यस कठिन समयमा हामीलाई समर्थन गर्न र अगाडि बढ्नको लागि आवश्यक हौसला प्रदान गर्न अनुरोध गर्दछौं। तपाईंको समर्थनको लागि धन्यवाद।’ उनीहरुले यसो भनिरहँदा लाखौं फ्यानहरुले निको मानेन्न तर उनीहरु औपचारिक रुपमा नै अलगिए ।
आमिर खान र किरण राव
जुलाईमा, आमिर र किरणले आफ्नो सम्बन्धविच्छेदको घोषणा गर्दै दुनियाँलाई चकित पारे। एक दशकभन्दा लामो आफ्नो सम्बन्धको अन्त्य गर्दै, जोडीले एक विज्ञप्ति जारी गरेर भनेका छन् ‘यी १५ सुन्दर वर्षहरूमा सँगै हामीले जीवनभरको अनुभव, आनन्द र हाँसो साझा गरेका छौं, र हाम्रो सम्बन्ध केवल विश्वास, सम्मान र प्रेममा बढेको छ। अब हामी हाम्रो जीवनमा नयाँ अध्याय सुरु गर्न चाहन्छौं । अब पति र पत्नीको रूपमा होइन, तर एकअर्काको लागि सह-अभिभावक र परिवारको रूपमा। हामी हाम्रा शुभचिन्तकहरूलाई शुभकामना र आशीर्वादको लागि अनुरोध गर्दछौं, र आशा गर्दछौं कि- हामी जस्तै- तपाईंले यो सम्बन्धविच्छेदलाई अन्त्यको रूपमा नभई नयाँ यात्राको सुरुवातको रूपमा हेर्नुहुनेछ।’ उनीहरुले यसरी सहजै सम्बन्धविच्छेदलाई लिए जस्तै गरेर विज्ञप्ति जारी गरेपनि लाखौं शुभचिन्तकहरु यो निर्णयमा खुसी हुन भने सकेनन् ।
कीर्ति र साहिल
कीर्ति कुल्हारीले सामाजिक सञ्जालमा विज्ञप्ति जारी गर्दै श्रीमान् साहिल सहगलसँगको सम्बन्धविच्छेद भएको घोषणा गरेकी थिइन् । अभिनेत्री कीर्तिले सामाजिक सञ्जालमा पोस्ट गर्दै भनेकी छिन्, ‘सबैलाई थाहा दिनको लागि एउटा साधारण नोट यो छ कि मेरो श्रीमान् साहिल र मैले छुट्टिने निर्णय गरेका छौं। कागजमा होइन, जीवनमा । एउटा निर्णय जुन ‘कसैसँग हुनु’ को निर्णय भन्दा गाह्रो छ ।’ कीर्ति र साहिलको यो निर्णयले पनि बलिउडमा निक्कै दुःखद र चर्चामा रह्यो ।
सुस्मिता सेन र रोहमन शाल
सुस्मिता र रोहमन गहिरो प्रेममा थिए तर उनीहरुले फ्यानहरूलाई सन् २०२१ मा व्यापक रूपमा निराश बनाए । इटाइम्सले विशेष रूपमा रोहमन सुस्मिताको घरबाट बाहिर निस्केको र एक साथीको ठाउँमा क्रयासिङ भएको रिपोर्ट गरेको थियो। पछि, सुस्मिताले सामाजिक सञ्जालमा पोष्ट गरेर ब्रेकअपको घोषणा गरिन्, ‘हामी साथीको रूपमा सुरु भयौं, हामी साथी नै रहन्छौं ! सम्बन्ध त धेरै भैसकेको थियो ! प्रेम रहिरहन्छ । योसँगै सन् २०२१ मा सुस्मिता र रोहमनको सम्बन्धमा पनि पूर्ण बिराम लाग्यो ।
