काठमाडौं । सरकारले बाँसबारी छाला जुत्ता कारखानाको जग्गा प्रकरणमा कांग्रेस सांसद तथा उद्योगपति विनोद चौधरीमाथि छानबिन गर्ने भएको छ ।
उपप्रधान तथा गृहमन्त्री लामिछानेले आइतबार गृहसचिव एकनारायण अर्याल, प्रहरी महानिरीक्षक बसन्त कुँवर र नेपाल प्रहरकी केन्द्रीय अनुसन्धान ब्यूरोका प्रमुख श्याम ज्ञवालीलाई संयुक्त रुपमा चौधरीमाथि छानबिन गर्न निर्देशन दिएका छन् ।
गृहमन्त्री लामिछानेको निर्देशनसँगै प्रहरीले चौधरीको बयान लिने तयारी गरेको छ । सरकारले बाँसबारी छाला जुत्ता कारखानाको १० रोपनी जग्गा सरकार माहतल ल्याउने प्रक्रिया समेत अघि बढाएको छ ।
बाँसबारी छाला जुत्ता कारखानाको जग्गा प्रकरणमा यसअघि विनोद चौधरीका भाइ अरुण चौधरी पक्राउ परेका थिए । उनलाई अदालतले धरौटीमा रिहा गरेको छ ।
Comments