प्रतिवादी चन्दको नाममा म्याद तामेली नभएपछि प्रहरी आइजीको बहस सर्याे

नेपाल प्रहरी महानिरीक्षक विवादको विषयमा आज सर्वोच्च अदालतमा हुने भनिएको बहस रोकिएको छ ।

डीआईजी जयबहादुर चन्दलाई प्रहरी महानिरीक्षक बनाउने नियुक्तिविरुद्ध परेको रिटमा सर्वोच्च अदालतमा आइतबार बहसको मिति तोकिएको थियो । तर  प्रतिवादी चन्दको नाममा म्याद तामेली नै नभएको पाइएपछि सुनुवाइ सरेको छ । अब  आज नै म्याद तामेली हुने र मंगलबार बहस हुने बताइएको छ ।

कपिलदेव ढकालले दायर गरेको रिटमा सर्वोच्चले चन्दलाई प्रहरी महानिरीक्षकमा बढुवा गर्ने निर्णय कार्यान्वयन नगर्न अन्तरिम आदेश दिएको थियो ।