सञ्जय दत्तको नायिकाका रूपमा अदिती चयन

एजेन्सी । ओमंग कुमारको नयाँ फिल्ममा अभिनेता सञ्जय दत्तको नायिकाका रूपमा बलिउड अभिनेत्री अदिती राव हैदरी चयन भएकी छन् । 

सञ्जय लीला भन्सालीको फिल्म पद्मावती तथा मणि रत्नम्को फिल्मको काम गरिसकेकी अदितीको अभिनयबाट प्रभावित भएर निर्देशक ओमंग कुमारले आफ्नो फिल्ममा लिएको बताएका छन् ।

सञ्जय दत्तसँग नयाँ फिल्ममा काम गर्न पाउँदा खुसी लागेको यी नायिकाको भनाइ छ । आफूले बलिउडका सफल निर्देशकसँग सुरुदेखि नै काम गर्न पाएको यी अभिनेत्रीले बताएकी छन् । प्रदर्शनमा आउन लागेको आफ्नो तमिल फिल्म ‘कातरु बेलीदाई’ मा पनि फरक र सशक्त अभिनय गरेको यी अभिनेत्रीले बताएकी छन् । छोटो समयमा राम्रो फिल्म खेल्न पाएकोमा उनी अहिले दंग छिन् ।