त्रिभुवन अन्तर्राष्ट्रिय विमानस्थलमा विदेशमन्त्री यी एवम् सो प्रतिनिधिमण्डललाई परराष्ट्र मन्त्रालयका कामु सचिव शङ्करदास बैरागीले स्वागत गरेका थिए । नेपालका लागि चीनका राजदूत वु छुन्ताईकोे पनि उपस्थिति रहेको थियो ।
शुक्रबार बिहान उनले चीन सरकारको सहयोगमा स्थानीय नयाँबानेश्वरमा निर्मित निजामती अस्पताललाई रु २० करोड बराबरका २६ वटा चिकित्सकीय उपकरण हस्तान्तरण गर्ने कार्यक्रम छ ।
सामान्य प्रशासनमन्त्री लालबाबु पण्डितलाई ती उपकरण हस्तान्तरण गरेपछि चिनियाँ विदेशमन्त्री नेतृत्वको प्रतिनिधिमण्डलसँग नेपाल ¬चीन द्विपक्षीय वार्ता हुनेछ ।
राष्ट्रपति डा रामवरण यादव र प्रधानमन्त्री सुशील कोइरालासँग चिनियाँ विदेशमन्त्री वाङले शिष्टाचार भेट गर्ने कार्यक्रम रहेको छ ।
चीनमा राजनीतिक नेतृत्वसँगै सरकार परिवर्तनपछि विदेशमन्त्री तहमा पहिलोपटक हुन लागेको भ्रमणले नेपाल चीन सम्बन्धमा नयाँ आयम थपिने विश्वास गरिएको छ ।
नेपालमा नयाँ संविधान बन्ने क्रममा रहेको अवस्थामा चीनको भ्रमणलाई त्यससँग पनि जोडिएर हेर्ने गरिएको छ । भारतले नेपालमा एकछत्र पहुँच बढाईरहँदा उत्तरी छिमेकी चीनको पनि चासो पछिल्लो पटक बढ्दै गएको छ ।