काठमाडौं,  माघ । बहुमतीय प्रणालीमार्फत नया प्रधानमन्त्री चयनका लागि आगामी सोमबार व्यवस्थापिका संसदमा प्रधानमन्त्रीको चुनाव हुने भएको छ ।

संसदको कार्यव्यवस्था समितिको मंगलबार बसेको बैठकले सोमबार एघार बजे बहुमतीय प्रधानमन्त्रीको चुनाव गर्ने तय गरेको हो । संसद् सचिवालयका महासचिव मनोहरप्रसाद भट्टराईलाई निर्वाचन अधिकृत समेत तोकिएको छ ।

निर्वाचन सम्बन्धी विस्तृत कार्यक्रम भने बुधबार सार्वजनिक गरिने तयारी गरिएको छ । सबै दलका प्रतिनिधि सम्मिलित हुने कार्यव्यवस्था समितिमा सहमति जुटेकाले संविधानसभाको ज्येष्ठ सदस्य सूर्य बहादुर थापाले बुधबारको बैठकमा चुनावको घोषणा गर्नेछन् ।

यसअघि राष्ट्रपति डा. रामवरण यादवले सहमतीय प्रणालीबाट नया“ सरकार गठन हुन नसकेपछि संविधानको धारा ३८ (२) अनुसार बहुमतीय बाटोबाट सरकार गठनका लागि व्यवस्थापिका संसदलाई पत्र पठाएका थिए ।

सहमतीय सरकार निर्माणका लागि एक हप्ता दिइएको समयावधिमा दलहरुबीच सहमति जुट्न नसकेपछि अब बहुमतीय प्रणालीबाट प्रधानमन्त्री चुनिने भएको हो ।

संविधानसभाको चुनावपछि प्रधानमन्त्रीमा प्रमुख दल नेपाली कांग्रेसका सभापति सुशिल कोइरालाले दाबी गर्दै आएका छन् । तत्काल प्रधानमन्त्रीका लागि नेकपा एमाले, एमाओवादी तथा राप्रपा नेपालले दाबी नगर्ने भएपछि कोइराला बहुमतीय बाटोबाट सर्वसम्मत प्रधानमन्त्री बन्ने सम्भावना समेत रहेको छ । सर्वसम्मत प्रधानमन्त्री उनी एक्लो प्रधानमन्त्रीको उम्मेदवार हुनुपर्ने हुन्छ । साना दलले प्रधानमन्त्रीको उम्मेदवारी नदिए कोइराला सर्वसम्मत प्रधानमन्त्री बन्नेछन् ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।