पुस २९ । नेकपा–माओवादी सचिव नेत्रविक्रम चन्द विप्लवले संविधान सभा खारेज गरेर सर्वपक्षीय गोलमेच सभा नगरे वैकल्पिक बाटो रोज्ने चेतावनी दिएका छन् ।
धनकुटा सदरमुकाममा सोमबार पत्रकारहरुस“ग नेता चन्दले संविधान सभा खारेज गरेर सर्वपक्षीय गोलमेच सभा नगरे वैकल्पिक बाटो रोज्ने चेतावनी दिएका हुन् ।
उनले सर्वदलीय छलफलबाट संविधान निर्माण लगायतका विषयमा सहमति खोज्न आग्रह पनि गरेका छन् ।
कार्यक्रममा सचिव चन्दले दोश्रो संविधानसभालाई संसदीवादी दलले खडा गरेको नक्कली संस्था भएको टिप्पणी गर्दै यस संस्थाले कुनै निकास नदिने ठोकुवा समेत गरेका छन् ।
उनले जनता र नेकपा–माओवादीलाई धोखा दिएर दोस्रो संविधानसभाको निर्वाचन गराइएको भन्दै संविधानसभा खारेज नभए आफूहरुले वैकल्पिक बाटो राज्ने जनाए । कार्यक्रममा उनले विकल्पको बाटोबारे भने खुलाएनन् ।
१२ बु“दे शान्ती सम्झौतासहित सम्पूर्ण विधी र प्रक्रिया मिचेर अन्तराष्ट्रिय समुदायको षड्यन्त्रमा आफ्नो पार्टीलाई धोका दिएर दोस्रो संविधान सभा गठन भएको चन्दको दाबी छ । 
संविधानसभाको निर्वाचनन सशक्त बहिस्कार गरेको नेकपा माओवादीले यसअघि नै संविधान सभा खारेजी र सर्वपक्षीय गोलमेच सभामार्फत निकास खोज्न माग अघि सारिसकेको छ ।
Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।