भोलिदेखि उत्तरी र दक्षिणी सिमा नाका बन्द

काठमाडौं । मन्त्रीपरिषद बैठकले भोलिदेखि नेपाल–भारत सिमा नाका बन्द गर्ने निर्णय गरेको छ । सरकारले चीनतर्फ पनि सिमाना बन्द गर्ने निर्णय गरेको छ । आइतबार बसेको मन्त्रिपरिषद्को बैठकले सीमा नाका बन्द गर्ने निर्णय गरेको हो । भोलि बिहान १० बजेबाट दुवै देशतर्फ एक साताका लागि नाका बन्द गरिने छ ।
भारतमा कोरोनाको संक्रमण देखिएपछि नेपालले सीमा नाका बन्द गर्ने प्रस्ताव राखेको थियो । तर भारतले ठोस जवाफ नदिँदा निर्णय हुन सकेको थिएन । यही बेला रोजगारी तथा अध्ययनका लागि भारत गएका हजारौं नेपाली फर्किएका छन् ।
यसले कोरोनाको संक्रमण फैलिने जोखिम बढेपछि शनिबार बसेको कोरोना रोकथामसम्बन्धी उच्चस्तरीय समितिको बैठकमा मन्त्रीहरुले नै भारत सहमत नभए एकतर्फी रुपमै भएपनि सीमा नाका बन्द गर्नुपर्नेमा जोड दिएका थिए ।