काठमाडौं २६ वैशाख । विश्वभरी महामारीको रुपमा फैलिरहेको कोरोनाबाट विश्वभरी ३९ लाख मानिस संक्रमित भएका छन् । पछिल्लो तथ्यांक अनुसार विश्वभरी ३९ लाख १७ हजार ९ सय ९१ मानिसमा कोरोना संक्रमणको पुष्टि भएको हाे । तिनीहरु मध्ये १३ लाख ४४ हजार २ सय ६५ जना मानिस सञ्चो भएर घर फर्किएका छन् ।
यता, कोरोनाबाट विश्वमा हालसम्म २ लाख ७० हजार ७ सय ४० व्यक्तिले ज्यान गुमाईसकेका छन् । कोरोनाबाट सबैभन्दा बढी मृत्यु अमेरिकामा भएकाे छ । अमेरिकामा हालसम्म कोरोनाबाट मृत्यु हुनेको संख्या ७६ हजार नाघेको छ । त्यस्तै बेलायतमा ३० हजार, इटालीमा २९ हजार, स्पेनमा २६ हजार, फ्रान्समा २५ हजारको ज्यान गएको छ ।
नेपालमा कोरोनाबाट कसैको पनि मृत्यु भएको छैन । तर पछिल्लो समय २ जना संक्रमित थपिएपछि जम्मा १०१ जना कोरोना संक्रमितको संख्या पुगेको छ । नेपालमा विस्तारै कोरोनाको संक्रमण फैलिरहेको पाइएको छ ।
छिमेकी भारतमा पनि कोरोनाको संक्रमण फैलदो रहेको पाइएको छ । हालसम्म ५६ हजार संक्रमित भएका छन् भने कोरोनाबाट १८ बढीको ज्यान गइसकेको छ ।
