अशोक स्वेन अप्पसाला विश्वविद्यालय स्वीडेनका पिस एण्ड कन्फ्लिक्ट अनुसन्धानका प्रोफेसर हुन् । उनलाई भारतमा विश्लेषक भनेर चिनिन्छ ।
उनै भारतीय विश्लेषक अशोकले केही दिन अघि भारतीय आर्मी पोशाकमा रगताम्य भएका भारतीय सेनाहरु भारत चीन विवादित क्षेत्र लद्दाखमा भुईमा लडिरहेको र नजिकै चिनियाँ सेनाहरु रहेको तस्बीर माइक्रोब्लगिङ ट्वीटरमार्फत सार्वजनिक गरे ।
उक्त तस्बीरसँगै अशोकले गम्भीर प्रश्न पनि खडा गरेका छन् । मुकाबिलामा रगताम्य भएका भारतीय सेनाहरुप्रति संकेत गर्दै उनले चिनियाँ सेनाहरुले भारतीय सेनामाथि के गरेका हुन ? भन्दै यस विषयमा मोदी किन बोल्दैनन् भनेर चिनियाँ सेनाबाट भारतीय सेनामाथि आक्रमण गर्दा पनि चुप लागेको भन्दै आश्चर्य प्रकट गरेका छन् ।
‘ह्वाई इज मोदी साइलेन्स’ अर्थात ‘मोदी किन चुप छन्’ उनले भनेका छन् ।
पाकिस्तानसँगको विवादमा मोदीले सर्जिकल स्ट्राइक गरेको बताएको र भारतीय मिडियाले त्यसलाई निक्कै बढाईचाई गरेकोप्रति व्यंग्य गर्दै भारतीय मिडियाले सर्जिकल स्ट्राइकको कुरो किन नगरेको र मोहन भागवतको आर्मी कता गए भनेर समेत प्रश्न उठाएका छन् ।
यसअघि अशोकले पाकिस्तानी भुमिमा सर्जिकल स्ट्राइक गरेको भनेर मोदीले झुक्याएको बताउँदै आएका छन् ।
याे पनि पढ्नुहाेस् – चिनियाँ सेनासँग भिड्न भारतले खटायो लद्दाखमा गोर्खा सैनिक
पछिल्लो समय लद्दाखमा दुई देशका सैन्यबिच द्धन्द्ध बढेको छ । भारतीय सेनाले त्यहाँ हतियार र सैन्य शक्ति थुपारिरहेको बताइएको छ भने सिमानामा दुई दुईका सेनाबीच मुकाबिला हुने गरेको खबरहरु प्रकाशित भइरहेका छन् । मुकाबिलाकै क्रममा भारतीय सेनाहरुले चिनिया सेनाकाे गाेदाइ खाएर घाइते भएको अशोकले ट्विट गरेको तस्बीर हुनेसक्ने आँकलन गरिएको छ ।
