मंसिर १० । केही दिन अघि सम्पन्न संविधानसभा दोस्रो निर्वाचन अन्तर्गत एमाओवादीका ३८ जनाको जमानत जफत गरिएको छ ।

निर्वाचनमा प्रत्यक्ष निर्वाचन प्रणाली अन्तर्गत एमाओवादीका सबैभन्दा बढी उम्मेदवारहरुको जमानत जफत भएको हो ।

खसेको सदर मतको १० प्रतिशत मत पनि प्राप्त गर्न नसक्ने उम्मेदवारको जमानत जफत हुने व्यवस्था छ ।

जसमा एमाओवादीका २ सय ३९ उम्मेदवारमध्ये ३८ जना उम्मेदवारहरुको जमानत जफत भएको हो भने एमालेका २१ र नेपाली कांग्रेसका ८ जना उम्मेदवारको जमानत जफत गरिएको छ ।

जमानत जफत हुने नाम चलेका नेताहरुमा काठमाडौं ५ र ८ बाट माओवादी नेता महेन्द्रकुमार श्रेष्ठ र मुक्ति प्रधान पनि छन् ।

निर्वाचन ऐन अनुसार प्रत्यक्षतर्फ उम्मेदवार दर्ता गराउन ३ हजार रुपैपा धरौटी स्वरुप आयोगका संबन्धित कार्यलयहरुमा बुझाउनुपर्ने हुन्छ ।

निर्वाचन आयोगको पछिल्लो विवरण अनुसार सप्तरी २ बाहेक २ सय ३९ क्षेत्रमा कुल ६ हजार ७७ उम्मेदवारहरु मध्ये जम्मा ७ सय ९२ जना विभिन्न राजनीतिक दलका उम्मेदवारहरुले मात्र जमानत बचाउन सफल भएका छन्।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।