पोखरामा कोरोना संक्रमित पुरुषको मृत्यु

काठमाडौं । पोखराको एक अस्पतालमा उपचाररत एकजना कोरोना संक्रमित पुरुषको गएराती मृत्यु भएको छ ।

पोखरा स्वास्थ्य विज्ञान प्रतिष्ठानअन्तर्गतको कोभिड–१९ उपचार केन्द्रमा उपचाररत पोखरा महानगरपालिका–१९ निवासी ६२ वर्षीय पुरुषको गएराति ११ः३५ मा मृत्यु भएको हो ।

उनी साउन १७ गते अस्पताल भर्ना भएका थिए । आईसीयूमा राखेर उनको उपचार हुँदै आएको थियो । उनी डायबिटिजबाट समेत पीडित थिए । उनको मृत्युसँगै नेपालभर कोरोना संक्रमणबाट मृत्यु हुनेहरुको संख्या ७४ पुगेको छ ।