काठमाडौं २३ मंसिर
वाम गठबन्धनका कारण नेपाली कांग्रेसका उम्मेदवार जताततै पराजित भईरहेको अवस्थामा युवा नेता गगन थापा भने काठमाडौं चारबाट विजयी भएका छन् । उनी सँगै कांग्रेसका तर्फबाट तीन जना उम्मेदवार विजयी भएका छन् ।
यता, एमालेका २१, माओवादी केन्द्रका पाँच र एक स्वतन्त्र उम्मेदवार विजयी भईसकेका छन् ।
कांग्रेसबाट विजयी हुनेहरुमा काठमाडौं प्रतिनिधिसभा क्षेत्र नम्बर ४ बाट गगन थापा ३ हजार बढी मतले विजयी भए । उनले प्रतिस्पर्धी उम्मेदवार नेकपा एमालेका राजन भट्टराईलाई ३ हजार ४ सय ११ मतले पछि पार्दै जित हासिल गरेका हुन्।
गगन थापाले २१ हजार ५ सय ५१ मत पाए भने भट्टराईले १८ हजार १ सय ४० मत पाएका हुन् । यस्तै विवेकशील साझाकी सुबुना बस्नेतले ३०४० मत ल्याएकी थिइन् ।
यस्तै, काठमाडौं एकमा प्रकाशमान सिंह र रसुवा निर्वाचन १ मा मोहन आचार्य विजयी भएका छन् ।
Comments
