कार्तिक ७ । एकीकृत नेकपा माओवादीका अध्यक्ष पुष्पकमल दाहाल धनकुटा आउने भएपछि उनलाई अवरोध पु¥याउन नेकपा–माओवादीलगायतका दलहरूले आज धनकुटा बन्द गराएका छन् ।
धरान–धनकुटा सडकखण्डस्थित रुद्रबारी, च्याङच्याङबारी, ढाट, स्कुलडाँडालगायत करिब ६ ठाउँमा रूख ढालेर सडक अवरोध पु¥याइएको थियो । रातिबाट नै अवरुद्ध रहेको सडक स्थानीय प्रशासनले प्रहरी परिचालन गरी अहिले बिहान खुलाएको छ ।
सडक खुले पनि बन्द आह्वान गरिएका कारण धनकुटाको जनजीवन प्रभाबित बनेको छ । दाहाललाई धनकुटा प्रवेश हुन नदिनका लागि नेकपा–माओवादीका कार्यकर्ताले कोसी राजमार्गका विभिन्न स्थानमा गएरातिदेखि नै रूख ढालेर सडकसमेत अवरुद्ध बनाएका थिए । दाहाललाई धनकुटा प्रवेश हुन नदिनका लागि बन्द र अवरोध गरिएको नेकपा– माओवादीले जनाएको छ । (रासस)
Comments