काठमाडौं । ललितपुरमा स्थानीय युवाद्धारा ट्राफिक व्यवस्थापनमा खटिने एक जवानमाथि निर्घाट कुटपिट भएको छ । कोरोना भाइरस नफैलियोस् भनेर जिल्ला प्रशासन कार्यालयले जारी गरेको निषेधाज्ञा लत्याउँदै ललितपुरको पाटन क्षेत्रमा बिहीबार मच्छिन्द्रनाथको रथयात्रा तान्न सुरु गरिएकोमा प्रहरी रोकेको थियो ।
त्यसपछि त्यहाँ तनाब बढ्दै जाँदा एक ट्राफिक प्रहरी बाइकमा गुड्दै आएका थिए । उनलाई युवाहरुले रोकेर निर्घाट कुटपिट गरेका छन् भने सडकमा घिसार्दै लात्ती र मुक्का हानेका छन् ।
अमावनिय ढंगबाट निर्घात रुपमा कुटाई खाएका ट्राफिक प्रहरी जवान ३० वर्षीय कमल प्रसाद घिमिरे घाइते भएका छन् ।
भिड नियन्त्रणमा सुरक्षा यन्त्रसहित खटिएका अन्य प्रहरीको रिस ट्राफिक व्यवस्थापनमा खटिने घिमिरेमाथि पोखिएको हो । अमानविय ढंगले कुटपिट भएको भन्दै उक्त कार्यको अहिले चौतर्फी आलोचना भइरहेको छ ।