कात्तिक ४ । उदयपुर क्षेत्र न. ३ का एकिकृत नेकपा माओवादीका उम्मेदवार मोहनबहादुर खत्रीको घरमा आज बिहान कालो झण्डा सहित झोलामा शंकास्पद बस्तु फेला परेको छ ।
उनको घरमा २ जनाको समुहमा आएका व्यक्तिले घरको मुलगेटमा कालो झण्डा गाडेर कालो झोलामा तार देखिने गरी ‘खतरा’ लेखेर शंकास्पद बस्तु राखेको जिल्ला प्रहरी कार्यालय उदयपुरले जनाएको छ ।
यसरी उम्मेदवारको घरमा शंकास्पद बस्तु भेटिएपछि वरपरका छिमेकीहरु पनि तर्सित भएका थिए। उदयपुर प्रहरीका अनुसार शंकास्पद वस्तु कुनै बिष्पोटक प्रदार्थ नभई पलाष्टिक भित्र ढुंगा भएको जानकारी दिएको छ ।
प्रहरीले उम्मेदवारलाई आंतकित बनाउनमा लागी यस्तो गरिएको हुन सक्ने बताएको छ । आंतकित कार्यमा सहभागीहरुको खोजी गरिरहेको प्रहरीले जनाएको छ ।
Comments
