पूजा गर्न हिडेकी महिला हप्ता दिनपछि मृत अवस्थामा फेला

कार्तिक ३ । नवरात्रिको अष्टमीको दिनदेखि बेपत्ता गुल्मी वामीकी एक महिला हप्ता दिनपछि मृत अवस्थामा फेला परेकी छिन्  ।

 असोज २६ गते बिहानै पूजाका लागि हिँडेकी वामी–९ का कृष्णबहादुर कुमालकी श्रीमती सरस्वतीको शव बडीगाड खोलामा फेला परेको हो ।

प्रहरी निरीक्षक राजेन्द्रप्रसाद श्रेष्ठका अनुसार कुमालले श्रीमतीको खोजीका लागि इलाका प्रहरी कार्यालय वामीमा उजुरी पनि दिएका थिए ।

 प्रहरीले थुप्रै स्थानमा निगरानी बढाए पनि फेला पार्न सकेको थिएन ।

गएराति ९:१५ बजेको समयमा २६ वर्षीया सरस्वतीको शव तुराङ गाविस वडा नं ७ को रामपुरस्थित बढिघाट खोला किनारमा बग्दै आएको अवस्थामा स्थानीयले देखे पछि  प्रहरीले शबलाई  बाहिर  निकालेको  हो ।   उक्त घटनाको बारेमा  थप अनुसन्धान  भइरहेको प्रहरीले  जनाएको छ । – रासस