आज मात्र २०२० जनामा कोरोना पुष्टि, अहिलेसम्मकै एकैदिन सबैभन्दा बढीमा संक्रमण



काठमाडौं । नेपालमा आजसम्मकै सबैभन्दा बढी एकै दिन आज काेराेना संक्रमित थपिएका छन् । आज एकै दिन कोरोना संक्रमितको संख्या २ हजार नाघेको छ । स्वास्थ्य तथा जनसंख्या मन्त्रालयले पछिल्लो २४ घण्टामा ११ हजार ४ सय ५८ वटा पीसीआर परीक्षणमा २०२० जनामा कोरोना पोजेटिभ देखिएको जनाएको छ । योसँगै नेपालमा कोरोना संक्रमितको कुल संख्या ६१ हजार ५ सय ९३ पुगेको छ ।

शुक्रबारसम्म देशभर सक्रिय संक्रमितको संख्या १७ हजार ३८३ जना रहेका छन् । जसमध्ये संस्थागत आइसोलेसनमा ९ हजार २९५ जना रहेका छन् र होम आइसोलेसनमा ८ हजार ८८ जना रहेका छन् । पछिल्लो २४ घण्टामा कोरोना संक्रमण निको भई ८७१ जना डिस्चार्ज भएका छन् । शुक्रबारसम्म डिस्चार्ज हुनेको संख्या ४३ हजार ८ सय २० जना पुगेको छ ।

हाम्रो फेसबुक पेज लाइक गरिदिनु होला