चामल पखालेको चौलानीबाट चाउरीपना हटाउनेदेखि अनुहार चमक गर्नेसम्मका फाइदा



काठमाडौं । चामलको धोएको पानी अर्थात चौलानीलाई हामीले यत्तिकै फ्याँक्ने गर्छौं । तर चामल धोएको उक्त पानीमा औषधीय गुण हुन्छ । चामलको धोएको पानीमा भिटामिन, प्रोटिन लगायत महत्वपूर्ण तत्वहरु हुन्छन्।

अनुहारलाई सधै जवान देखाउनको लागि विभिन्न सौन्दर्य सामग्रीहरु प्रयोग गर्ने गरिन्छ। ती महंगा सौन्दर्य सामग्रीले अनुहारलाई दिर्घकालमा असर गर्ने सम्भावना हुन्छ भने पैसा पनि महँगो पर्छ। यस्तो अवस्थामा चामल धोएको पानी सबैभन्दा उपयोगी हुन्छ।

हाम्रो फेसबुक पेज लाइक गरिदिनु होला

चामल धोएको पानीले पन्ध्र मिनेट सम्म अनुहारमा मसाज गर्नुपर्छ। यो प्रक्रिया दिनहुँ अपनाउनाले अनुहारको छाला टाइट हुन्छ, छालाको चाउरीपना हट्छ र अनुहारमा चमक बढ्छ। चामल धोएको पानीलाई स्प्रेको रुपमा पनि प्रयोग गर्न सकिन्छ । स्प्रे गर्न मिल्ने बोतलमा राखेर आफूले चाहेको समयमा अनुहारमा स्प्रे गर्न सकिन्छ । यसको साथै चामल धोएको पानीले कपाल नुहाउनाले कपालको समस्याहरु हट्दै जान्छन् । कपाल स्वस्थ र सुन्दर हुन्छ।

चामल धोएको पानी पिउनु पनि स्वास्थ्यको लागि निकै फाइदाजनक हुन्छ । चामल धोएको पानी ज्वरो आएको समयमा पिउनाले शरीरको ताक्रममा सन्तुलित बनाएर ज्वरो निको हुन मद्दत गर्छ।

चामल धोएको पानी पिउनाले शरीरमा पानीको मात्रालाई बढाइदिन्छ । जसले गर्दा धेरै रोग निको हुनको लागि सहयोग पुग्छ । कब्जियत हुने व्यक्तिको लागि चामल धोएको पानी औषधी सावित हुन्छ । चामल धोएको पानीले शरीरमा पानीको मात्रा पूरा गरिदिने हुनाले शरीर स्फूर्त हुन्छ र दिमाग पनि ताजा महसुस हुन्छ।