यस्तो छ आज सोमबारको सुनको मूल्य

काठमाडौं । नेपाली बजारमा आज सोमबार सुनको मूल्य स्थिर रहेको छ । आज सुन आइतबारकै मूल्यमा कारोबार भइरहेको हो । नेपाल सुनचाँदी व्यवसायी महासंघले छापावाला सुन प्रतितोला ९५ हजार ६०० रुपैयाँ र तेजाबी सुन प्रतितोला ९५ हजार १०० रुपैयाँमा खरिदबिक्री भइरहेको जनाएको छ ।

सोमबार चाँदी भने तोलामा १० रुपैयाँले वृद्धि भएको छ। यसदिन चाँदी प्रतितोला एक हजार २४५ रुपैयाँमा किनबेच भइरहेको छ। साताको पहिलो दिन आइतबार चाँदी प्रतितोला एक हजार २३५ रुपैयाँमा कारोबार भएको थियो। पछिल्लो केहि समय यता सुन तथा चाँदीको भाउ बढिरहेको छ।