अब फेरि कोरोना परीक्षण र उपचार निःशुल्क

काठमाडौं । सरकारले कोभिड–१९ संक्रमितको परीक्षण र उपचार निःशुल्क गर्ने निर्णय गरेको छ । अदालतको आदेश र चौतर्फी विरोधसँगै संक्रमितको परीक्षण र उपचार निःशुल्क गर्नेमा सरकार पुगेको हो । मन्त्रीपरिषको सोमबार बसेको बैठकले यससम्बन्धी तयारी गर्न स्वास्थ्य तथा जनसंख्या मन्त्रालयलाई निर्देशनसमेत दिएको छ ।

कोरोना भाइरसको परीक्षण र उपचार निःशुल्क गर्न सर्वोच्च अदालतले सरकारलाई आदेश दिएको थियो । मन्त्रिपरिषद् बैठकले कोभिड–१९ भ्याक्सिन समयमै आपूर्ति गर्न अर्थ, स्वास्थ्य र परराष्ट्र सचिव सम्मिलित तीन सदस्यीय समितिसमेत गठन पनि गरेको छ ।