असोज ८ । पुर्बपश्चिम राजमार्ग अन्तर्गत नवलपरासीको प्रगतिनगरमा यात्रु बसको ठक्करवाट मृतक परिबारलाई क्षतिपूर्तिको माग गर्दै अहिले महेन्द्रराजमार्गमा यातायात अवरुद्ध गरेका छन् ।
आज बिहानैबाट स्थानीयबासीले र मृतकका आफन्तहरुले क्षतिपूर्ति र अक्षयकोष स्थापनाको माग राखेर सडकका अवरोध सहित नाराबाजी गरिरहेका छन् ।
सडक अबरुद्ध भएपछि गन्तब्यमा हिडेका सयौ सवारी साधनहरु र यात्रुहरु अलपत्र परेका छन् ।
सोमबार भैरहवाबाट काठमाण्डौं आउदै गरेको लु १ ख ७३६४ नम्बरको यात्रुबाहक बसले ना १९ प ८३०४ नम्बरको मोटरसाईकललाई ठक्कर बाट मोटरसाइकलका चालक राम प्रसाद भुषाल, उनकी छोरी लक्ष्मी तिवारी र नाती युगल तिवारीको घटनास्थलमै ज्यान गएको थियो ।
दुर्घटनापछि आक्रोशित स्थानीयले बसमा आगाजनी गरिदिएका थिए ।
